靈魂奇遇記中22號同主角嘅人類圖「能量中心」有咩反應？
終於可以睇到期待已久嘅Soul，要深入，可以非常深， 加上Pixar 其實好貪心，每個情節段落，要講要深入，都可以再發展出「外傳」，例如mediation 嘅狀態同迷失狀態只差一線（呢個真心有趣）。
我在小區戲院，在場大概有4-5家親子，我非常好奇小朋友會唔會悶？坦白，人物角色不吸引，歷險故事沒有小孩喜歡的bling bling。我更加肯定Pixar定位再加強轉向不願成長的成人，咁「hardcore」説教嘅人生反思議題，只有背著輕鬆幽默嘅Disney 外表先可以更有效進入成人嘅鋼鐵意志之中，好像打你一巴掌但你仍嘻哈大笑，然後大叫感動。
我試用故事主角，來解釋人類圖嘅能量中心 ，都幾有趣。
1. 假設22號係一個G Center （無著色）嘅人，佢每遇到一個人，都反而令佢更加肯定自己「不是」這樣！心的方向卻一直找不到。
2.假設22號係G Center （有著色）嘅人，佢長期處於受傷嘅成長環境，形成不斷否定自己嘅性格，抑壓本然內在價值方向，只有重新欣賞自己，才能好好欣賞生命本質。
3.假設主角係一個（空白）Ego Center 同（有著色）G Center嘅人，佢容易因為太在意外在肯定和讚賞而忽略當下嘅美好體驗。
4.假設主角（無著色）嘅表達中心，只有靠22號代言，自己嘅soul 喺自己身上，反而未能好好同媽媽表達自己喜好。
要講落去都可以好長篇，大家有冇興趣用電影學習人類圖？或者活用人類圖？
留言